開槍的一剎，我們在電視機旁，黑暗中傳來啪啪槍聲，一個個熱愛國家、心靈純潔的年輕人在我們眼前倒下。時光荏苒，當年廣場上的學生巿民，青年變中年、青絲變白髮，旁觀的我們成了記錄者，以筆以墨，記下槍火中64個未有粉碎的民主夢，他們的言語今日節錄於此，曾經參與採訪的記者，也留下心中所想，準備繼續與遺忘的洪流對抗。
麥燕庭
記者協會前主席「當年北京市民保護香港記者，要我哋將真相帶出去，嗰刻我先感受到記者職責重要。」
孫一江
北京清華大學本科生/在港工作「如果說我對中國的未來還有一些樂觀成份的話，那都來自每年六四維園的燭光。」
陳清華
89年代表學聯上京支援學運「當有同學喺你眼前中槍流血，聽到佢最後一次呼吸聲，呢D唔會隨時間而忘記。」
閰靖靖
生於5月4日的北大畢業生「我希望自己能夠親眼見證、參與歷史，將來才能避免被別人的片面論述蒙蔽。」
NY.ben（藝名）
《VIIV》搞手之一「中國o依家只係金錢上、硬件上進步。我覺得如果六四平反，中國會更進步，係軟件上嘅進步。」
陳日君
天主教樞機「香港接近祖國，又有表達自由，所以每年都要善用呢個機會，可能我哋喺歷史上有個使命。」
朱耀明牧師
「我要回家運動」主席「流亡海外民運人士離開中國時，以為好快可以返屋企，冇諗到一等就係20年。」
陳予
香港維基媒體協會會長「事實真相的話語權不只由強權掌握。」
蘇兆禧
9歲小學三年級「殺人係唔尊重人，（死者）屋企人又會好傷心。」
張銳輝
保良局李城璧中學通識科主任「見到國家問題，更能觸發學生去諗點樣改善國家，了解六四係國情教育。」
曾詠恩
17歲保良局李城璧中學中六學生「去六四集會，可以畀死咗仔女嘅父母知道，仲有人關心呢件事，對佢哋係安慰。」
司徒志恒
18歲保良局李城璧中學中六學生「多一分燭光，畀天安門死難者家屬多一分關懷。」
李柱銘
民主黨創黨主席「大是大非嘅問題唔可以希望所有人諗法一樣。只要曾經一齊行過呢條民主路，我都會好欣慰。」
林耀強
89年學聯代表「喺6月4日凌晨聽到槍聲，見到啲人跌低。諗返佢哋點樣保護我哋離開……嗰一刻，人性好靚。」
王軍濤
流亡海外民運人士「六四燭光晚會的最大意義就是向世界表明，中國人20年中沒有忘記那場屠殺。」
何佩玲
媽媽41歲「o依家好多人都避而不談（六四），任由（中共）宣傳瞞騙，咁我哋下一代，就唔知發生乜嘢事。」
張菁
流亡海外民運人士
「六四發生咗20年，我感到中國嘅民主路仍然好遙遠。」
林國璋
會堂電話、傳真及手機皆用上8964的牧師「如果連20年前嘅事我哋都講唔到，咁我哋點同人講耶穌？」
劉銳紹
八九民運期間任職《文匯報》駐京主任的資深時事評論員「六四事件，共產黨傷盡天下屈原心。」
鮑彤
中共前總書記趙紫陽秘書「平反六四，中國的發展將獲得新生命！」
程翔
八九民運期間任職《文匯報》副總編輯「我哋執著，係出於對民族同歷史嘅責任。」
李俊峰
P-at-Riot80後六四文化祭發起人「我哋想將六四事件話畀多D人知，唔想事件淡化。」
蔡耀昌
支聯會副主席「慶幸香港仍然有好多支持平反六四，每年都起碼有幾萬人出席維園集會，證明公道自在人心。」
鍾庭耀
港大民意研究計劃總監「今年支持平反六四嘅數字創新高，但我好唔滿意，唔贊成嘅人，究竟諗乜？」
葉楚茵
支聯會青年組發言人「年輕人並非唔認識歷史，只係社會缺乏渠道畀下一代發聲。」
黃家強
Beyond成員「呢件事根深柢固，永遠都唔會忘記，亦都唔會原諒，中國政府需要真真正正面對。」
王丹
八九學運領袖「民主是需要靠人推動，如果大家都放棄，我們永遠都生活在極權制度之下。」
韓東方
北京工運領袖「六四從沒倒下過！我們沒一刻停頓，示威、組工會、罷工，沒這場運動，國家就沒這些變化。」
蕭綺熙
赴京給六四死難者掃墓的教師「20年，莫失莫忘，為嘅係國家更美好嘅明天。就係我哋學生身上學到『愛國』。」
蔡淑芳
最後撤出廣場女記者「六四係大屠殺！死一個人，已經係好有問題，更何況係出動真槍去鎮壓。」
梁永浩
理大學生會會長「香港係少數可以悼念六四嘅地方，身為香港嘅大學生，有責任薪火相傳，爭取平反六四。」
劉達文
《前哨》總編輯「六四後我最感慨係，中共政權竟然可以捱到20年，官越來越腐敗，好難對呢個政權有認同。」
Freeman
六四短片製作人「當年讀緊大學，睇足50幾日新聞，我對北京學生嘅感情，係咁樣慢慢形成。」
嚴家祺
被指為六四幕後黑手之一「六四是中國最大的冤案。」
孔繁強
《6420》CD歌手「以前對六四有感覺，一直唔會主動講，但原來你唔講，周圍就不斷變，變到你有D驚。」
陳達鉦
黃雀行動前線總指揮「六四不平反，天理不容；呢個係普世價值觀，中共都要向時代邁進。」
范長峰
中大學生「廿年前跑馬地塞滿人唔係假o架，佢哋只係將自己嘅心聲收起咗，我哋就要去將呢D挖番出嚟。」
Ivy
中大學生「點解六四係禁忌，教科書又唔講，好似歷史上面一個空白點咁，家人又支吾以對。」
關振邦
支聯會多年義工「香港係中國唯一可以公開悼念地方，連呢都唔做，歷史書唔講，學校唔教，個社會會點？」
周禮茂
《自由花》填詞人「呢首歌歌詞抱有好大希望，只要努力，自由可以開到花；唔好放棄，終有一日可以完成夢想。」
李卓人
支聯會副主席「我唔會接受六四和解，中共係一個無底深潭，你一開始有任何退讓，佢就會進一步苛索。」
李鵬飛
前行政局議員「六四情意結唔係華叔獨有，中央政府有需要盡快平反六四，打開大家心鎖。」
曾顯華
拍下擋坦克照的攝影記者「如果政府有誠意有真心，一早就可以和平解決呢件事，唔使話搞到死人。」
尊子
漫畫家「成個中國講，香港算係有自由，你唔去幫佢仲幫人掩飾，好唔應該，做得幾多得幾多。」
馬龍
漫畫家「呢個國家好鍾意用『母親』自比，但有邊個母親會為小朋友唔聽話而殺佢呢？」
鄺凱茵
天安門母親運動成員「天安門母親佢為真相受好多苦，香港人做到幾多？我連驚都無資格驚。」
Barry
最新民運歌曲《二十年》改編者「你殺人唔認，仲唔覺得自己做錯，點可以做番個好人？」
熊焱
現職美軍軍牧的八九學運領袖「六四能平反，意義在於我們這個民族有反省的能力，有進步的可能。」
阿P
My little airport主腦「佢（曾蔭權）自己見利忘義，仲公開教人見利忘義，個論述都好荒謬。」
羅海星
黃雀行動成員「我以前覺得未必會係有生之年睇到六四平反，但係o依家覺得有機會。因為中國進步得越越快。」
周澄
學聯秘書長，中大三年級生「睇六四係睇成個中國發展，當時貪污腐敗，今日仲度...希望六四會平反。」
李思
中學生聯盟外務秘書「時間不淡國旗上血染風采！一齊去六四燭光晚會！」
Yuki黃綺婷
中學生聯盟公共關係主任「雖然有人記憶會隨時間淡，但六四件事對與錯唔會有任何改變。」
Shungyu
內地網民「當我看到港人示威、捐款支持中國民主，深受感動，非常感謝港人20年來未間斷地辦燭光晚會。」
吾爾開希
前八九學運領袖「共產黨統治的合法性在屠城後遭到民眾的質疑，失去人民的信賴。」
江棋生
六四學運領袖，現自由撰稿人「沒有真相，就沒有公道和正義；六四這個案一定要翻！」
浦志強
六四學生領袖，現為律師「他們（當局）的做法（指禁民眾公開悼六四），已近乎瘋狂！」
何少慈
支聯會老義工「20年係一個新世代，咁多年香港人，都冇忘記到當日傷痛。大家一齊維園見。」
武文建
六四抗暴工人，現自由畫家「我不懂政治，我只求公道！」
李海
六四高自聯外聯部長，現自由撰稿人「我相信我一定能盼來六四解決的那一天！」
丁子霖
六四天安門母親代表「我們不再提平反，那是封建提法。我們要求就六四與當權者平等對話！」
謝志峰
最後一個撤出廣場的記者「（外國勢力）憑常理一定有，但呢個係簡樸學生愛國民主運動，呢個不能否認。」
張揚
深圳市民，紀念六四文化衫製作者「現在官場越來越腐敗，比八九年六四時還厲害！」
魯德成
前天安門三君子之一「六四是反人類的罪行，中國共產黨必須接受制裁。」
(轉載自《蘋果日報》2009年6月4日的報道)
沒有留言:
張貼留言